حسن عبد الرحيم
*. انا حسن السمين بن عبدالرحيم ومرات كده تحت تحت كده بقول لي بجبوجي( رحم الله البابا الطيب عبدالله ) اليومين دي قاعد وبتفرج يا سلاااام في عروض بهلوانية ومسرحية وتراجيديه وكوميدية هلالية فيها كل حاجة موجودة الا النص المسرحي والمخرج والجمهور وكمان المنتج وقف الصرف وبقت عروض بااايخة سمجة…..
*. الممثل عامل فيها عنتر ( لكن هو ما عنتر ) وعامل فيها عطيل ومرات كده غوار بتاع دريد لحام وكاسك يا وطن….. بس للامانة
انا مستمتع بكمية النفاق والابتذال المسرحي في نص غير مجاز لا ادبيا لا اخلاقيا بس مصنف للكبار فقط والكبار اوووي ….. *. الكبار مالا وسطوة من الناس البشترو التذاكر كومبليت (. عشان خاطر عيونك). وكأنك بتسمع شريهان تغني وتقول( بحبك يا حمار او العنب العنب العنب من رداءة النص …..)
*. عرض كل أنواع الابتذال والخيانة والانبطاح والخيال وكأنك مع شاروخان ( بس من غير قصة الشعر ) ويجيك في النهاية ويصدمك (توفيق الدقن ويقول ليك احلي من الشرف مافيش…..)
*. فعلا احلي من الشرف مافيش …..
*. عضوية ولجان واعلام ومكاتب ومزارع ومصاحف وخوف وتمام يا ريس ….
داخلين اول يوم يا ريس …..
عدي بينا يا ريس الكاش بقلل النقاش والعيد كبس كبس كبسان ….
ويا ريس الجماعة قالو نسقط بس …. (. ونحن حنكناهم بتعال بجاي لو داير لجان نديك سطوة ومال نغريك..سفة وصعود نديك ….)
*. بس انا مالي …. اتفرج في سيما اوانطة وعايش ملك نفسي حسن السمين ونحيا ونشوف يحيا ….
*. والله الخجل بقي عمله نادره وورق التوت معدوم وراجل المره حلو حلا شعارنا …..
*. بعض الممثلين لا زال شعارهم نأكل من ما نزرع ونلبس من ما نصنع وعاشوا الشعار وصارو التمكين في زمن الديمقراطية المن غير قروش….
*. هتافهم منافسينا قد دنا سقوطهم وانا ما بفسر وانت ما تقصر …
*. ورجغة ورجفي للتقرب الي الشريف مبسوط مني وتمام يا ريس كل القوة جوه…. يا ريس وي وي وي صالة بريستج حصل فيها خيانة ونعاهدك بالنصاب … بس حبة زيت وجاز والمكنة تدور…..
*. اشهد انا حسن السمين انو السوباط ما محتاج عضوية ويكفيه ما قدمه بشماله لياتيه كتابه بيمينه…. بس نعمل شنو من ناس اقبض واهرب …
* رسالة من تحت الماء للسوباط وكما غني عبدالحليم حافظ … جلست والخوف بعينيها وقالت يا ولدي لا تحزن فالحب عليك هو المكتوب …..حب جماهير الهلال لك مضمون …فقط ابعد من ناس اني اغرق اغرق اغرق وفنجاني المقلوب….
*. الهلال اخلاق وأمة فلا تجعلهم يحولونه الي مستنقع شعاره قبضني تجدني ولا تنخدع بكلمة تمام يا ريس وعدي بينا يا ريس فكلهم يلعبون علي نفس السلم الغير موسيقي وكلهم من ( ارباب ) الباب الخلفي و(حكماء) الزمن الاغبر ويرتادون ويرددون خلف ( كاردينال ) الكنائس ويمارسون ( بربرة ) السلوك ويسبحون بحمد ( عطايا المنان ) …..والساقية لسه مدوره واحمد ورا تيران البترول يخب ….
*. اختار القوي الامين الامين الامين تنام قرير العين …..وتشوف طبل العز ضارب والبنوت يزغردن والخيل تسابق الخيل….
*. ما عارف التخبط الحاصل ده شنو وليه اللخبطة الإدارية…. – – – رئيس الآلية الاعلامية يصرح بشه ( بتاعنا ) رئيس لجنة التسجيلات…..
– الآلية الاعلامية تصرح بشه ليس رئيس لجنة التسجيلات….
-*. القطاع الرياضي اوتارا في التشكيل لمبارة الخرطوم الوطني ..
– القطاع الرياضي يسحب اوتارا قبل بداية المباراة…
-القطاع الرياضي …اوتارا لا يرغب في الاستمرار ( خشمي عندي ….. وسمبا دفع خمسين الف دولار أمريكي فقط لا غير ؟؟؟؟ وشفيق يا راجل ومعاها استيم تفاح كمان …
*. فوضي التصريحات فضيحة لا تشبهنا…
اريتو يشبه ابوه وان شاء الله تمطر حصو ….
وبكرة نغني اركب الحنطور واتنحضر وبحبك ياحمار
*كسرة*
مباراة اليوم أمام الوادي مباراة الاتجاة الواحد ولاتقبل القسمة على اثنين والفوز على الوادي اليوم يعني خلاص وصلنا لآخر المشوار هزيمة الوادي تعني هزيمة المريخ والاتحاد
*هي مباراة تحدي لكل لاعبي الهلال الذين سيردون الجميل لجماهير هم الوفية التي لم تقصر معهم ظلت مساندة ومؤازرةلهم
*جماهير الهلال ستكون حضورا انيقا مشجعةومؤازرةللاعبين
