حليل ايام زمان وحليلو هو..!!
* الآن نعيش في زمن أغبر.. اختفت ملامحه تماماً.. والحكاية بقت هايصة وجايطة.
* الصاح شنو ما عارفين.. والغلط وين ما مهم.
* هم عاوزين لينا كده.. ونحنا راضين..
* لأن الأشياء تكاثرت علينا ولم تعد نفرق الصاح من الغلط الصادق من الكضاب..
* وأهو ما شين ومصدقين..
* ويتوب علينا ربنا.
* وكل الأشياء اتلخبطت.. أي حاجة لو ما فيها لف ودوران ما بتمشي.
* تكون صادق يقول ليك. بالله شوف المسكين ده..
* تحاول تتخذ قرار يقولو ليك ده زمن قرارات.
* حقيقة بتنا نعيش في زمن الفهلوة والشهلوب واللعب بالمقلوب والضحك على الدقون.
* زمن أغبر ضاعت فيه كل الأشياء الجميلة.
* اللون الرمادي بقى هو سيد الساحة.
* الناس نست زماااان الابيض والأسود.
* زمن خالي من الحب والتوداد والتعاضد فحلت التكشيرة مكان الضحكة.. والغبينة مكان الحب والحقد والكراهية مكان التسامح والكذب والنفاق مكان الصدق والخلاف بدلاً من المحبة والحرب بدلاً من السلام.
* الكل بات يكذب ويبحث عن مصالحه..
* لا في قوانين تردع المنفلتين ولا حتى تطبق.. والناس ماشة.
* ويتوب علينا ربنا.
* وكل حاجاتنا اتغيرت وما في حاجة زي زمان ويا حليل أيام زمان وغنى زمان.
* هسة الغنى بتاعنا بقى دقا الباب وجانا وجريت ليهو حفيانا.
* وزمان كان لو شوش صوت الريح في الباب يسبقنا الشوق قبل العين.
* وظهر الفنان علي كبك وهو يغني فكيني منك ومن عواليقك وجنك خلي حركات العباطة وراعي لي حجمك وسنك
مرة شوفتك حايمة ساكت ،،
*سارحة زي موس الحلاقة ومرة لمن كنتي صلعة كنتي في جواي علاقة
* أي حاجة اتغيرت وبقينا ماشين لوراء غنانا لوراء ورقيصنا لوراء.. دائما طاعني بورا
* وبقينا نجري وراء الفقراء والاناطين ونسينا الخالق عز وجل.. يا شيخي اديني فاتحة عشان اغلب أو اعرس.
* عشان الخزعبلات والنتيجة بقينا شعب يعيش على الأوهام.
* وبقينا هائمين وماشين بين تماسيح السوق وتماسيح القوانين.
* وكل يوم كلام ووعود وسراب.
* ويتوب علينا ربنا.
* وحياتنا تغيرت وماشين وما فاهمين اي حاجة والحاصل شنو.. أهو ماشين.
* وتساءل أي زول يقول ليك هو الحاصل شنو.
* وبقينا زي الاطرش في الزفة.
* كل يوم كلام جديد وكل يوم خبر وكل يوم تصريح متضارب وملقوم.
* ومافي حاجة واضحة.. كل الأمور ضبابية وما في أمل.. وكلنا نطارد خيط دخان.
والمشكلة أننا بنحلم بالمستحيل.
* ومشكلة قانونية ليها شهور وشهور وما تتحلا وكل واحد يشرع على كيفو وكل واحد يفتي والقانون واضح وصريح.
* وطيب ليه ما يطبقوا القانون!!
* لو طبقوا القانون البحصل شنو.
* وليه ما نحاسب المخطئ.
* مش قلتا ليكم بنحلم بالمستحيل.
* ويتوب علينا ربنا.
* وحادثةالحارس احمد بيتر أبلغ دليل
*واتحادعام غرق في قرارات متخبطة ومجاملات ومحاباةللابن المدلل المريخ
*والهلال يتفرجويننظر لما يحدث ويغني بعيني بعاين
*والمريخ يطلب اللعب في الجوهرةبقرار سيادي وعايزين يخربواكورتنا زي ماخربو السياسة
الله يخرب بيوتكم
