*الليلة يوم جمعة والأمة مجتمعة وتحلي الجمعة بلمة الاهل وألحبان وملاح النعيميةبكسرةرهيفة او قراصة بدمعةضان اودحاج او تركين او ملوحة او تقليةبكسرة وشطةخضراءوحمراء
*وعلى كيفيك لو جبتافسيخ ومعاهو بصل ابيض او امفتفت والاتي اخضااااار او لحمةضاان حمل صغييير وشيةجمر
*طيب ياحبان بعد مافطرنا وحليينابالشعيريةوالسكسكانية وشربنا الشاي والقهوة
*يلاتعالو نحلم ونحكي ونتونس
* من حق أي شخص ان يحلم.. طالما أن الحلم بلاش ومافيه قروش ولا ضريبة ولا يحزنون.ولانيابة معلومات ولامجلس سيادي ولالجنةثلاثية ولافولكر ولاتوم هجو ولااردول
* كدي خلونا في موضوعنايعني أنا من حقي أن احلم واكون زول (ستايل) كده ضعيف وبلبس تشيرتات وقمصان آخر موضة وبناطلين ماركة.. واكون فنان وصوتي زي الكروان ترباس او حسين شندي وفرفور أو اولاد الصادق… وطه سليمان. وشكرالله
* وأحلم باني اصبحت رئيساً لنادي الهلال.. لان رئيس جمهورية دي فيها نوع من المبالغة ولا حتى عضو في المجلس السيادي ولارئيس وزاراءبالانتخاب او القرعة.او صاحب مبادرة
* خلوني في حلمي كرئيس لنادى الهلال وحولي الحاشية والمطبلاتية وحارقي البخور وتنابلة السلطان…المستفيدين.. والعاطلين ومروجي الشائعات.
* وأكون خالف كراع على كراع… وبجوني ناس الشمارات ويحكو لي بالفي والمافي.. وداك عمل وداك سوا.. وانا اضحك.. وهم يحكوا..
* وضحكتهم تعلى لما اقول نكتة حتى ولو بايخة والجماعة يقولوا لي والله يا ريس دي نكتة جميلة وحلوة.
* يا أخي من حقي احلم ابقى رئيس الهلال وشاعر وملحن وفنان.. مش هو حلم.. احلم يا حبيبي ما كلنا بنحلم.
* هسه لاعبي المريخ ما بحلموا يكون رئيسهم زي جمال الوالي.
* يعني هسه انا ممكن احلم ومعاي عمرابي وأيمن كبوش يكون عندنا بودي قارد.
* هل يحلم طيفور بالتجديد للمريخ بالمجان لانه يحب الشعار.
* ولا في واحد هلالابي يحلم بوجود نمر وحمزة داؤدفي كشوفات الهلال.
* ولا انا ممكن اكون شاعر انافس الحلنقي وادريس جماع وفضل الله محمد.. والتجاني حاج موسى ومختار دفع الله. واكون زي اسماعيل حسن وحسن الزبير ومحمد يوسف موسي
* ولا انافس تنقا في الطرف الشمال وكاريكاسيد الاسم ولاميسي في الباصات القاتلة ولارونالدو في احراز الاهداف
* ولا نحلم بأن الاتحاد العام لكرة القدم يمكن أن يعيد الهيبة لكرتنا.
* ولا لجنة الاستئنافات تتخذ قرارها من غير تأجيل.
* ولا جلطة وبرجاس ينافسان طه سليمان.
* ولا صديق كوباني يصبح مثل شقيقه الدكتورالراحل الجميل الشاعر علي الكوباني.
*ولاانا زول كدة حاجة ماتخلص والجكس يطاردني في كل مكان والكل عايز معاي سيلفي
* ولايحلم كرشوم يكون راموس.
* خلونا نحلم بالمستحيل..!!
نعود للحلم ونقول هل يمكن أن تكون افراح عصام هي نوال الزغبي السودان.
* والمذيعة عرفةالبشاري بقناة الخرطوم نشوى الرويني.
* وتكون ريماز ميرغني ماجدة الرومي.
*وتكون شوارعنا خالية من المطبات والحركات المسلحة
*ويكون عندنا مذيعين ومعلقين مثلمانشاهدهم في القنوات
* وهل ممكن ان نحلم بوجود فنانة لاترتدي باروكة
*وهل نشاهد مثل اسعاد يونس ومني الشاذلي في قنواتنا
* ويحترف الشعلة في مازيمبي.
* والغربال في بايرن ميونخ.
* ويكون ياسر مزمل بعد الانتقال لبرشلونة هداف دوري ابطال أوربا.
* خلونا نعيش في الاوهام والاحلام.
* وتتطور كرتنا ونلحق بالركب العالمي.
* ويستطيع الاتحاد العام اتخاذ القرارات.
* ورئيس المريخ الجديد زي جمال الوالي.
*ومجلس الهلال قرارتو بالاجماع
* أحلمو وعيشو وانسوا الأحزان
